நீங்கள் தேடியது "ரேசன் கடை பணியாளர்கள்"

கடலூர்:

தமிழ்நாடு அரசு நியாயவிலைக் கடை பணியாளர் சங்கம் சார்பில் ஊழியர்களுக்கு 30 சதவீதம் அகவிலைப்படி வழங்க வேண்டும். பொது விநியோகத்திற்கான தனித் துறை அமைக்க வேண்டும். தரமற்ற பொருட்களுக்காக நியாய விலை கடை பணியாளர்கள் தற்காலிக பணி நீக்கம் செய்வதை கைவிட வேண்டும்.

அத்தியாவசிய பொருட்கள் அதிகமாக இருந்தால் பல மடங்கு அபராதம் விதிப்பதை கைவிட வேண்டும் உள்ளிட்ட 11 அம்ச கோரிக்கைகளை வலியுறுத்தி மாநிலம் முழுவதும் 3நாள் தொடர் வேலை நிறுத்தம் அறிவிக்கப்பட்டன.

அதன்படி கடந்த 7ஆம் தேதி முதல் தொடங்கியதையொட்டி இன்று 3-வது நாளாக 9-ஆம் தேதி வேலைநிறுத்த போராட்டம் தமிழகம் முழுவதும் நடைபெற்று வருகிறது. இதனை தொடர்ந்து கடலூர் மாவட்டத்தில் ரேஷன் கடைகளில் பணி புரிந்து வந்த ஊழியர்கள் வேலைநிறுத்த போராட்டத்தில் ஈடுபட்டு கடலூர் பழைய கலெக்டர் முன்பு திரண்டனர். பின்னர் தங்கள் கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர்.

இதற்கு மாவட்ட துணைத் தலைவர் முத்து பாபு தலைமை தாங்கினார் நிர்வாகிகள் கந்தன் தேவராஜ் ராமானுஜம் குமரன் பிரபாகரன் ஆகியோர் முன்னிலை வகித்தனர் ஆர்ப்பாட்டத்தில் முன்னாள் மாவட்ட செயலாளர் ராஜாமணி கண்டன உரையாற்றினார் இதில் நிர்வாகிகள் ஸ்ரீதர் ராமதாஸ் கணேசன் குமரன் செல்வம் மனோகர் சுந்தர்ராஜ் உள்பட பலர் கலந்து கொண்டனர்.

முன்னதாக தங்கள் கோரிக்கைகளை வலியுறுத்தி கோஷங்கள் எழுப்பப்பட்டன.

மேலும் கடலூர் மாவட்டத்தில் பல்வேறு கடைகளில் ஊழியர்கள் பணிக்கு செல்லாமல் வேலை நிறுத்தப் போராட்டத்தில் ஈடுபட்டதால் கடைகள் மூடப்பட்டு இருந்தது காணமுடிந்தது. முடிவில் மாவட்ட பொருளாளர் அருள் நன்றி கூறினார்.

பேரையூர்:

நியாயவிலைக் கடை பணியாளர் சங்கம் சார்பில் 30 அம்ச கோரிக்கைகளை வலியுறுத்தி வருகிற 15-ந் தேதி முதல் காலவரையற்ற வேலை நிறுத்த போராட்டம் நடக்கிறது.

இது குறித்த ஆலோ சனைக் கூட்டம் மாநில துணைத் தலைவர் செல்லத் துரை தலைமையில் நடை பெற்றது.

பின்னர் முன்னாள் மாநிலத்தலைவர் பால் பாண்டி கூறியதாவது:-

ஊதிய மாற்றம், அரசு பணியாளர்களுக்கு வழங்குவதை போல அகவிலைப்படி வீட்டு வாடகைப்படி, நகர ஈட்டுப்படி, மருத்துவ காப்பீட்டுத்திட்டம், மாற்றுத் திறனாளிக்கு படி ரூபாய் ஆயிரத்தில் இருந்து 2,500 ஆக உயர்த்துதல் உள்ளிட்ட 30 அம்ச கோரிக்கைகளை வலியுறுத்தி வருகிற 15-ந் தேதி முதல் காலவரையற்ற வேலை நிறுத்தப் போராட்டத்தில் ஈடுபட உள்ளோம் என்றார்.

தீபாவளி முன்பணமாக மாநில அரசு ரூபாய் 5,000 வழங்கி வருகிறது. மற்ற மாநிலங்கள் முன்பணமாக ரூபாய் 15 ஆயிரம் வழங்கு வதால் தமிழக அரசு நியாய விலைக் கடை பணியாளர் களுக்கு மற்ற மாநிலங்களை போல் வழங்க வேண்டும் என வலியுறுத்தி தீர்மானம் நிறை வேற்றப்பட்டது. மாநில நிர்வாகிகள் பால முருகன், அருணாச்சலம், சிவக்குமார் ராமச்சந்திரன், உள்ளிட்ட பலர் கலந்து கொண்டனர்.

கீழ்வேளூர்:

தமிழ்நாடு அரசு பணியாளர் சங்க சிறப்பு தலைவர் கு.பாலசுப்பிரமணியன், நாகையில் நிரூபர்களுக்கு பேட்டியளித்தார். அப்போது அவர் கூறியதாவது:-

கூட்டுறவு துறை நிர்வாகத்தின் கீழ் செயல்பட்டு வரும் ரே‌ஷன் கடைகளுக்கு சரியான எடையிலும், கார்டு எண்ணிக்கைகளின் அடிப்படையிலும் பொருட்கள் வழங்கப்படுவது கிடையாது. இதனால் பொதுமக்களுக்கும், ரே‌ஷன் கடை ஊழியர்களுக்கும் இடையே அடிக்கடி பிரச்சினைகள் ஏற்படுகிறது. இந்த பிரச்சினைகளுக்கு தீர்வு காணும் வகையில் தமிழக அரசு சரியான எடையில், ரே‌ஷன் கார்டுகளுக்கு ஏற்ப அத்தியாவசிய பொருட்களை கடைகளுக்கு வழங்க வேண்டும்.

ரே‌ஷன் கடை ஊழியர்களுக்கு, தமிழ்நாடு நுகர்பொருள் வாணிபக்கழக ஊழியர்களுக்கு இணையான ஊதியம் வழங்க வேண்டும். பொது வினியோக திட்டத்திற்கு என தமிழக அரசு தனித்துறை உருவாக்க வேண்டும். இந்த கோரிக்கைகளை வலியுறுத்தி வருகிற 9-ந் தேதி (திங்கட்கிழமை) தமிழ்நாடு நியாய விலைக்கடை பணியாளர்கள் சங்கம் சார்பில் ஒருநாள் கடையடைப்பு மற்றும் அடையாள வேலை நிறுத்தம் செய்யப்படும். எனவே 9-ந் தேதி தமிழகத்தில் உள்ள அனைத்து ரே‌ஷன் கடைகளும் மூடப்படும்.

இவ்வாறு அவர் கூறினார். #Rationshopstrike